2019/KW47 Sunntigsrundi

0900 Usservollikä City!
De Beck hät sich überraschenderwiis zumene spontanä Bikeründeli hiriisä lah. De Initiant Martin isch leider dehei im Bett liggä blibä und hät d’Heizchoschte verringeret – 40° Fieber!  

So isch das ungliiche Duet losgfahre. De Paschi uf sim elegant schlanke Quer-Velo und ich hinä breit uf mim Fattie wi de Hulk.
«Wohi fahred mer?» Wiä immer wenn mer i Richtig Lützelsee fahrt, chunt sofort: «Jonär-Wäldli!» als Running Gäg.
Was mer nöd denkt händ, das mer würkli bi de erschte Bäum vo dem Wald eus erscht langsam wieder heiwärts orientiert händ. Es isch es munters druflosfahre gsi.
   «Kennsch de Weg?»  
   «Nei» 
   «Ich au nöd.»  
Und scho simmer uf neue Pfäd durs Oberland kurvet.
Plötzli z’Hellberg es Déjà-Vu oder es ‘ich weiss won i bin’. Jetzt wär es Kaffi no öppis guets. Aber weder z’Ottikä, no in Grüeningä händ’s eus wellä bewirtä. Also simmer z’Mönchi zum Steiner.
Es Käfeli und es Zuckerwässerli hettet eigentli sölle de nötig Schub gäh zum wieder uf Egg ufe z’cho. Denkste!  
En üble Rhythmus-Killer. Froh gsi min bärtige Mitfahrer dörfe ällei hei z’schickä und min Movemberschnauz under de warme Duschi vom Schweiss z’befreie. Isch doch en ordentlichä Ritt gsi!

Nacheme Teeli sind d'Lebesgeischter au wieder iikehrt und de Garte hät nach Streicheleinheite gschrouä....

Riders: Paschi, Beck

Kaffi-Sponsor: Paschi